Përshkrimi i kujdesit shëndetësor publik në Slloveni
ÇFARË
Shërbimi shëndetësor në Slloveni është një shërbim publik i organizuar nga shteti. Për të pasur qasje në sistemin e kujdesit shëndetësor duhet të keni sigurim të detyrueshëm shëndetësor të siguruar në Institutin e Sigurimeve Shëndetësore të Sllovenisë (ZZZS). Nëse jeni i punësuar, jeni i siguruar nga punëdhënësi juaj. Nëse jeni i vetëpunësuar duhet ta organizoni vetë sigurimin tuaj. Nëse jeni i regjistruar si i papunë, Shërbimi i Punësimit i Sllovenisë do të kujdeset për sigurimin tuaj. Nëse keni dalë në pension në Slloveni, sigurimi mbulohet nga Instituti i Sigurimeve të Pensionit dhe Invalidëve të Sllovenisë. Anëtarët vartës të familjes suaj, përfshirë fëmijët e shkollave të mesme dhe studentët e universitetit deri në moshën 26 vjeçare, sigurohen nëpërmjet prindërve të siguruar dhe partnerëve. Kur keni sigurim të detyrueshëm shëndetësor, ju pajiseni me kartën e sigurimit shëndetësor që duhet ta tregoni çdo herë kur shkoni te mjeku. Është karta juaj personale dhe nuk mund t’ia kaloni atë një anëtari tjetër të familjes apo miku.
Vëreni gjithashtu se:
- Qytetarët e BE-së nuk paguajnë për kujdesin shëndetësor emergjent dhe themelor kur kanë kartën e sigurimit shëndetësor të Bashkimit Evropian (karta EHIC) dhe kur ata janë të siguruar në sigurimin e tyre kombëtar në vendin e origjinës së tyre. Në rast të procedurave jo urgjente, personave u kërkohet të paguajnë dhe të marrin më vonë rimbursimin nga agjencia e tyre e financimit / rimbursimit.
- Qytetarët e vendeve të treta me një leje qëndrimi të vlefshme kanë të drejtë të kenë qasje në sigurimin e detyrueshëm dhe të paguajnë kontribute për atë. . Në rast se nuk plotësojnë kushtet për sigurimin e detyrueshëm shëndetësor, ata mund të bëjnë një sigurim të veçantë privat për jorezidentët.
- Personat me status refugjatësh ose mbrojtjeje subsidiare kanë të drejtën e sigurimit të detyrueshëm shëndetësor nëse nuk kanë sigurim të detyrueshëm sipas ndonjë baze tjetër.
- Azilkërkuesit kanë të drejtën e shërbimeve urgjente shëndetësore. Përveç kësaj, gratë kanë të drejtën e kontraceptivëve, abortit dhe kujdesit mjekësor gjatë shtatzënisë dhe lindjes (mbulim i plotë i shëndetit riprodhues). Azilkërkuesit e mitur kanë të drejtën e shërbimeve në të njëjtën masë si fëmijët e mitur të siguruar si anëtarë vartës të familjes. Gjithashtu, një person vulnerabël me nevoja të veçanta mund të ketë qasje në shërbime shtesë mjekësore, nëse ato miratohen nga një komision i posaçëm.
Sigurimi i detyrueshëm shëndetësor në Slloveni mbulon shërbimet themelore të kujdesit shëndetësor në qendrat e kujdesit shëndetësor parësor (qendrat shëndetësore) dhe në shërbimet urgjente shëndetësore (Qendrat e urgjencës) dhe disa trajtime specifike ose shërbime te specialistët klinikë. Sigurimi i detyrueshëm shëndetësor mbulon gjithashtu kostot e trajtimit të grupeve të veçanta, për shembull të fëmijëve. Të gjitha shërbimet e tjera (siç janë ekzaminimet dhe shërbimet e specialistëve, trajtimi spitalor, procedurat e mëdha dentale, recetat e caktuara mjekësore etj.) kërkojnë pagesë shtesë ose sigurim shtesë shëndetësor. Shumica e qytetarëve dhe banorëve të Sllovenisë zgjedhin të paguajnë një sigurim shëndetësor shtesë.
Sipas skemës së sigurimit të detyrueshëm shëndetësor, personat e siguruar kanë gjithashtu të drejtën e përfitimeve të ndryshme financiare (p.sh. kompensimi në pagë gjatë mungesës së përkohshme nga puna, ose për sëmundje ose lëndim, rimbursimi i shpenzimeve të udhëtimit).
Qendrat e kujdesit shëndetësor parësor (qendrat shëndetësore) organizohen në nivel lokal dhe menaxhohen nga komunat; ato janë po aq të aksesueshme për të gjithë personat e siguruar që kanë nevojë për trajtim mjekësor pa diskriminim. Çdo person i siguruar zgjedh mjeken/mjekun e tij personal, si dhe dentistin dhe gjinekologun nga lista e disponueshme në çdo qendër shëndetësore parësore.
Të gjithë njerëzit kanë të drejtën e qasjes në kujdesin urgjent mjekësor dhe shërbimet emergjente. Faqja e internetit e Institutit të Sigurimeve Shëndetësore të Sllovenisë (ZZZS) (në anglisht):
KU
Këtu mund të gjeni adresat e qendrave të kujdesit shëndetësor parësor në Slloveni (sllovenisht):
http://www.abczdravja.si/index.php/zdravstveni-domovi-v-sloveniji
Kërkimi i mjekëve të përgjithshëm, dentistëve dhe specialistëve klinikë. Mjekët e përgjithshëm (nën “po specializaciji” / “Družinska medicina”), specialistë dhe dentistë (Zobozdravniki) (sllovenisht):
http://zdravniki.org
Kërkimi publik i Dhomës Mjekësore të Sllovenisë (sllovenisht):
https://www.zdravniskazbornica.si/informacije-publikacije-in-analize/javni-iskalnik-zdravnikov-in-zobozdravnikov