Transporti shkollor i subvencionuar

ÇFARË

Të gjithë nxënësit kanë të drejtë për një biletë mujore të subvencionuar të transportit publik, e cila u mundëson atyre të shkojnë në shkollë. Bileta mujore e transportit publik është një biletë e vetme, e cila mund të përdoret për trena, autobusë me distancë të largët dhe autobusë të qytetit në Lubjanë dhe Maribor. Kjo ju mundëson të vendosni për përdorimin e një lloji të caktuar të transportit publik për linjën e ndërsjellë të listuar në aplikacion. Nëse nuk udhëtoni çdo ditë, por vetëm në fund të javës, mund të blini një biletë ditore ose një biletë për dhjetë udhëtime.

KUSH

Nxënësit që jetojnë së paku 2 km nga shkolla. Ata duhet të jenë të regjistruar në shkollë të mesme. Biletën e subvencionuar mund ta blenë edhe pjesëmarrësit në programet arsimore për të rritur, të cilët janë të regjistruar në njërin nga programet e arsimit profesional, të mesëm ose të lartë, nëse janë nën moshën 27 vjeç dhe nuk janë të punësuar apo janë të regjistruar si të papunë.

SI

Në fillim të vitit shkollor aplikoni në stacionin tuaj hekurudhor ose të autobusëve.
Më shumë informacion rreth kushteve për marrjen e biletave të subvencionuara të transportit publik mund të lexoni në lidhjen e mëposhtme (në sllovenisht): https://e-uprava.gov.si/podrocja/izobrazevanje-kultura/visoka-in-visja-sola/subvencionirana-vozovnica.html

KUR

Aplikacionin dorëzoni në fillim të vitit shkollor, në muajin shtator. Ju mund të përdorni biletën e subvencionuar gjatë vitit shkollor, nga 1 shtatori deri më 30 qershor.

MIRË ËSHTË TA DINI

Nxënësit që kanë transportin publik të kufizuar kanë të drejtën e transportit të kombinuar.